ПОВИК ЗА УЧЕСТВО НА ОБУКА ЗА ВРСНИЧКИ ЕДУКАТОРИ

ПОВИК ЗА УЧЕСТВО НА ОБУКА ЗА ВРСНИЧКИ ЕДУКАТОРИ

Младинската мрежа Y-PEER Македонија во рамките на своите активности објавува повик за врснички едукаторки и едукатори.

Обуката е тридневна и опфаќа теоретско запознавање со седумте компоненти на Сеопфатно сексуално образование: род, сексуално и репродуктивно здравје, граѓански аспекти, задоволство, насилство, врски и односи и различност, како и практична примена на знаењата стекнати за време на обуката во период од 4 недели по завршување на истата.

Обуката ќе се одржи oд 20-22 Мај во Охрид.

Ги покануваме сите млади кои се:

• на возраст од 18 до 24 години;
• мотивирани да водат работилници за едукација на врсници;
• имаат желба да станат едукатори за сексуално и репродуктивно здравје и права;
• сакаат да работат во тим, знаат да исполнуваат задачи навреме.

Предност е доколку апликантите се:

• активисти;
• имаат волонтерско искуство во организации кои работат во полето на човековите права.

Заинтересираните најдоцна до 13-ти мај 2016 (23:59 часот), треба да пополнат:

• Апликација за учество на тренингот;
• Кратка биографија CV.

Трошоците за обуката како сместување, превоз и храна се покриени од организаторот.
Бројот на учесници е ограничен, а предност при селекција на учесниците ќе имаат апликантите кои доаѓаат од организациите членки на младинската мрежа Y-PEER Македонија.

Документите со назнака/предмет повик за обука на врснички едукатори можете да ги доставите по електронска пошта: youthpeermacedonia@gmail.com

Ви благодариме за учеството!