Мени

Конкурс за дизајн на младинска разгледница

Oбјавено на: 16.07.2015

Милениумските развојни цели (MDG) завршуваат во 2015-та година и затоа во септември 2015-та година, Обединетите Нации ќе договорат и ќе усвојат рамка која ќе ги наследи милениумските развојни цели преточувајќи ги во цели за одржлив развој. Меѓународната заедница и засегнатите страни, како што се владите на земјите- членки на ОН, агенциите на ОН и граѓанските организации, во многубројни процеси ги формулираат  новите развојни цели. Конкурсот за дизајн на младински разгледници е дел од втората фаза на националната кампања „Идеите ги споделувам гласно” во рамки на „Youth Voice“ – регионалната кампања која го застапува гласот на младите во развојната агенда на Обединетите Нации. Целта на конкурсот е да  ги инспирира младите креативно да се изразат на зададената тема, и понатаму преку печатење и дистрибуција на победничкото решение да им овозможи на младите да ги споделат своите мислења и ставови за светот каков што го посакуваат.


НАЧИН НА УЧЕСТВО:  Конкурсот трае до 5 август 2015г. Креативното решение, согласно пропишаните спецификации,  треба да се прати на postcards.ypeermk@gmail.com , при што ќе добиете потврда за успешно примање на решението (*Ваша одговорност е да нè контактирате доколку во рок од 24 часа не добиете порака за успешно примање на решението).
Задолжитено со праќањето на решението треба да се достават и следните информации* за авторот: име и презиме, возраст и контакт телефон.
Со испраќање на идејните решенија, авторите се согласуваат да бидат објавувани во печатена или електронска форма за потребите на организаторот на конкурсот.
Победникот ќе биде објавен на настанот за одбележување на Меѓународниот  ден на млади-12 август (датумот и локацијата дополнително ќе се утврдат, сепак нагласуваме дека присуството на победникот е повеќе од пожелно (читајте:задолжително):)).


ЖИРИ: Креативното решение за разгледниците кое најубедливо  ќе ја  комуницира целта на конкурсот, ќе биде избрано од страна на тим од претставници од  областа на младинска работа,младински активизам и графички дизајн.


НАГРАДА: Наградатa за победничкото решение е Pen Tablet Pro, и, се разбира, печатење на разгледницата со победничкото решение во тираж потребен за кампањата.


УСЛОВИ:

  • Разгледницата треба да повикува на младинско вклучување и учество при создавањето на развојните политики на светско ниво (препорачуваме: информирајте се за развојната агенда на ООН и улогата на младите во истата)
  • Разгледницата треба да комуницира младински дух, креативност, здружено делување, посветеност и енергија и да го слави гласот на младите.
  • Повикот е наменет за сите млади до 29 години од Македонија
  • Визуелното изразување е слободно, можат да се користат различни техники како графички дизајн, илустрација, фотографија, други визуелни техники и/или текст.Разгледницата треба да е дизјанирана во димензии (105mm × 148mm)
  • Решението треба да се достави во еден од следните  формати AI, EPS, PDF (со задолжителен  приказ во  JPG )
  • Доколку визуелното решение е фотографија, да се достави во 300 DPI

Преземете го повикот од овде:  Конкурс-младинска разгледница

*Подносителот на идејното решение, под целосна материјална и кривична одговорност, потврдува дека е автор на решението. Организаторот на конкурсот не одговара во случај на спор во однос на авторски права. Организаторот нема да биде одговорен во случај на повреда на авторските права на трето лице. Организаторот има право на користење на сите објавени фотографии во рамките на Конкурсот, за натамошна промоција на идејното решение во кој било облик и во кој било медиум.

Архива

January 2020
M T W T F S S
« Dec    
 12345
6789101112
13141516171819
20212223242526
2728293031  

Вести

Повик: Работилница за Цели за одржлив развој и нивната иднина

Повик: Работилница за Цели за

Y-PEER Македонија објавува повик за пријава на 15 млади кои ќе учествуваат на еднодневен
Повик за учесници на младинска размена “Youth for SDGs & SDGs for Youth”- Бугарија

Повик за учесници на младинска

Ако си на возраст од 17-27 години и сакаш да научиш нешто повеќе за целите за одржлив разв
Mладинска порака – Ден на млади

Mладинска порака – Ден на млад

12-ти август, 2019 (Скопје) – Денес се одбележува светскиот ден на младите под мотото „Тра
Работна средба на Y-PEER

Работна средба на Y-PEER

Во насока на планирање на следни активности на Y-PEER во државата, на 11 април 2019 година
Punëtori për Objektivat për zhvillim të qëndrueshëm dhe rin

Punëtori për Objektivat për zh

Y-PEER Maqedoni shpall thirrje për regjistrimin e 17 të rinjve të cilët do të marrin pjesë