Работилници за Цели за одржлив развој и ICPD

Во декември 2019 во организација на Y-PEER, со поддршка од канцеларијата на УНФПА во Скопје, се оддржаа две работилници за Цели за одржлив развој и млади. Работилниците имаа за цел да ги поттикнат младите се вклучат во дискусија за Агендата 2030 и Целите за одржлив развој (SDGs) и младинските програми поврзани со истите.

Учество во овие работилници земаа 16 учесници: млади, младински организации и преставници од организации кои работат со млади.

Преку интерактивни вежби учесниците имаа можност да разменат знаења, да ги споделат проблемите со кои се соочуваат целните групи со кои работат и да креираат решенија на локални проблеми кои доаѓаат од работата на терен. Преку локализирање на предизвиците со кои се соочуваат целните групи и адресирање на истите низ призмата на целите за одржлив развој учесниците изработија предлог решенија кои во иднина ќе послужат како појдовна точка во дизајнирање и имплементација на идната соработка помеѓу организациите и инситуциите на национално ниво.  
Дополнително за време на работилниците, претставниците зборуваа за младинската вклученост во процесите поврзани со Меѓународната конференција за население и развој (ICPD) и заложбите дадени од нашата држава и младите на глобално ниво. Во насока на унапредување на имплементацијата на заложбите на национално ниво, учесниците дадоа свои препораки за како да се артикулира важноста на оваа агенда и како до успешно исполнување на заложбите за младите и подобрување на квалитетот на живот.